Herrian egiten diren ekintza, proiektu eta ekimen gehienak batzordeen bitartez antolatzen dira eta udaletik datozenak herri batzarren bitartez aurkezten dira. Zerainen hiru batzorde ditugu: Herri bizitza; Zerbitzuak, azpiegiturak, hirigintza eta ingurumena; eta Tokiko garapena.
Herri batzarretan udal kudeaketaren inguruko informazioa ematen da eta batzordeek denboraldi horretan eigndako ekintzak eta proiektuak azaltzen dituzte.
[add_eventon_fc event_type_2=”177,118,181,182″ grid_ux=”2″]
Herrian egiten diren ekintza kulturalak antolatzen dira batzorde honetan: emakumeen eguna, udaberriko kulturaldia, san joan bezepera, herriko festak, euskararen eguna, gabonak… Gainera ikastaroak eta erakusketak antolatzen ditu.
Hilabetean behin elkartzen da, hileko lehen asteazkenetan, 18:00etan udaletxean eta irekiak dira edonork parte hartzeko.
Herrian dauden ekoizleekin eta turismoan ibiltzen direnekin osatzen da batzorde hau, hau da, sagardotegiak, artzainak, gaztandegiak, nekazaletxeak…
Batzorde honetan herriko azpiegitura eta hauen inguruko proiektuak lantzen dira. Hilabetero elkartzen dira, hileko lehene edo bigarren ostegunean eta hainbat gai jorratzen dituzte: etxebizitzak, auzoen argiztatzea, oinezko bide sarea, biodibertsitatea…
Herri batzarretan udal kudeaketaren inguruko informazioa ematen da eta batzordeek denboraldi horretan eigndako ekintzak eta proiektuak azaltzen dituzte. Urtean hiruzpalau herri batzar egiten dira. Normalean informazio deskargoa 45 minutukoa izaten da, eta beste 45 minutu zalantzak eta galderak argitzeko erabili ohi dira. Ondoren, udalak eta batzordeek emandako informazioa etxe guztietara bidaltzen da txosten baten bitartez.
