Ingurune fisikoaren ezaugarriak

KLIMA

Zeraingo udalerria Kantauriar isurialdean kokatzen da, Kantauriar itsasotik 30 kilometro ingurura. Prezipitazioz jasotzen dituen urak Oria ibaira drenatzen dira, Orion itsasoratuz Kantauriar itsasora.

Urte guztiko prezipitazio kopurua 1300 l/m2 eta 1500l/m2 artean izanik, klima ozeaniko epela nagusitzen da Zerainen, urte guztian zehar erortzen den euri kopurua nahiko banatua izanik urtaro guztietan zehar. Dena den, udako sasoiean prezipitazio gutxiago egiten du kostaldeko eremuekin konparatuz.

Altitudeari dagokionez, udalerriko punturik baxuena 220 metro ingurura aurkitzen da, eta punturik altuena Oamendiko tontorra litzateke, 862 metroko altitudearekin. Zutabe bertikalean ematen den aldakortasun honek eragin zuzena dauka temperatura eta prezipitazioen banaketan, bi estai bioklimatiko nagusi bereiziz:

  • Estai muinotarra. 0-600 metro arteko eremua hartzen du. Hariztiak osatuko liratezke bertan.
  • Estai menditarra. 600-1700 metro arteko eremua hartzen du. Landaredia potentziala bertan pagadiei dagokie.
Zeraingo Udala | Ibilbideen ilustrazioa

GEOLOGIA

Substratu detritikoen alternantzia nagusitzen da Zeraingo lurretan. Areharriak, lutitak eta tuparrien arteko nahasketak osatzen dute udalerriaren azalerarik handiena, lurzoruaren azidotasuna mesedetuz aldi berean. Aldiz, kareharri urgonianoak eta kaltzita inpuruzko substratuek errepresentazio txikiagoa dute, eta hauek izaera basikoagoa ematen diote lurzoruari. Lurzoruaren azidotasun izaerak bertan garatuko den landare komunitateak baldintzatzen ditu.

HABITAT
POTENTZIALAK

Landarediak egituratzen ditu gure lurraldeko lur-lehorreko habitat nagusienak. Giza jarduerek Zeraingo paisaiaren antolaketa baldintzatu baduete ere, eragin antropikorik ezean harizti azidofiloa eta harizti-baso misto atlantiarra izango genuke nagusiki Zeraingo azaleraren gehiengoa estaltzen.

Oamendi inguruko goiko eremuetan, aldiz, eragin klimatiko eta litologikoa dela eta ameztiak izango genituen nagusiki haritz kandudunaren alternantziarekin azken honen garapena mesedetzen den eremuetan.

Zeraingo Udala | Ibilbideen ilustrazioa

LURRAREN
ERABILERAK

Nekazaritza, arntzaintza eta abeltzantza dira herri honetako aktibitate ekonomiko nagusienak. Hori dela eta, mosaikodun paisaia heterogenoa topatuko dugu zerainen, mendiko larre eta sega-larreezm basogintzarako zuhaitz landaketez eta gainontzeko nekazal laborantzekin osatuz.

X