Larraondoko zerrategia
Denboran zehar, uraren indarrari erabilera ugari eman zaio Euskal Herrian, eta Zeraingo Larraondoko Baserrian ere, uraren indarraz baliatzen ziren zerrategiko lanak egiteko.
1890. urte inguruan eraikia, Larraondoko zerrategia Zeraingo mendietan jaiotzen den Lasurtegi errekatxoko urez baliatzen da eta gaur egun ere eraiki zeneko ezaugarri eta berezitasunak mantentzen ditu.
Zerrategiko lana Larraondo baserriko biztanleek burutzen zuten, baserriko lanaren osagarri. Hori dela-eta, negu-udaberri garaian lan egiten zen batez ere bertan: baserrian lanik gutxien zutenean eta errekatxoak ur gehien zekarrenean.
1960. urte inguruan utzi zioten Larraondoko zerrategia erabiltzeari. Geroztik erreka bazterrean iraun du isilean baina, oraindik ere, bere mekanismo zaharkituak lanean ikus daitezke.
Bisita Gidatuak
Erreserba eginez, larunbat eta igande goizetan, bisita gidatuak egiten dira. Honakoa da ordutegia:
| Aizpeako Meategiak | Euskaraz | 10:45 |
| Larraondoko Zerrategia | Elebiduna | 12:00 |
| Aizpeako Meategiak | Gazteleraz | 12:45 |
*Erreserba gutxienez 48 orduko aurrerapenarekin egin beharko da eta gutxieneko talderik (6pertsona) sortzen ez bada bertan behera geratuko da.
Taldeentzat asteko edozein egunetan bisita gidatuak aurrez erreserba eginda ere antolatu daitezke.
Iraupea
45 minutu
Erreserbak
Erreserbak egiteko Turismo Bulegoarekin jarri zaitezke harremanetan.
Posta elektronikoa: turismobulegoa@zerain.eus
Telefonoa: (+34) 943 80 15 05.
Iraupena
45 minutu
Prezioa
Banakoak: 2,00 €
Haurrak: 1,50 €
Taldeak: 1,50 €